GELAN LANTZEKO GAIAK

ANIZTASUNA: Gure gizartea anitza da eta aniztasunak gero eta alderdi gehiago ditu: familia eredu desberdinak, baliabide ekonomiko desberdinak, jatorri desberdineko etorkinak edo atzerritarrak, urritasun fisikoa edo psikikoa duten pertsonak, ideologia desberdinak... Aniztasunak, eskoletako bizitza kolorez betetzen ditu, denak desberdinak, baina aldi berean denak berdinak garela agerian jarrita. Elkartzen gaituena aldentzen gaituena baino handiagoa dela erakutsiz.

GENERO BERDINTASUNA: Jaio garenetik, gure sexuaren arabera hezten bagaituzte (joko, arau eta balio desberdinak) "emakumezko" edo "gizonezko" ereduak hartzen ditugu gure baitan. Ondorioz, sexuaren arabera bereizitako zeregin sozialak sortzen dira

Eskolan neska-mutilak errespetuan, aukera berdintasunaren alde eta genero-indarkeriaren aurka heztea funtsezkoa da bidezko gizartea lortzeko orduan, gizakien sexuagatiko desberdintasun biologikoek euren askatasuna eta iritzia adierazteko eta erabakitzeko eskubidea baldintzatu ez ditzaten.

"Hezkuntza da mundua aldatzeko erabili daitekeen arma ahaltsuena" -Nelson Mandela-

Genero desberdintasunaren ondorioz: GENERO INDARKERIA= "tratu txarrak"

-Emakumea, emakumea izateagatik jasandako indarkeria da.

-Sexu bereizkerian oinarritzen da.

-Genero indarkeria deituko zaio, tratu txarrak bere bikote edo senarrengaitik jasotzen baditu.

BULLYINGA: Ikasleen artean beldurraraztea eta tratu txarra ematea.

-Ikasle batek beste ikasle batzuengandik jasaten dituen eraso edo zirikak dira.

-Normalean gertatzen da bullyinga jasotzen duen pertsonak besteek baino indar fisiko edo psikologiko gutxiago dutenean, eta horregatik, gehienetan ahulenak izaten dira aukeratuak.

-Bullyinga fisikoki edo psikologikoki jaso daiteke.

-Jazarpen jokabidea: fisikoa, hitzen bidezkoa edo bazterketa eragiten duena. Hauek, zeharkakoak edo agerikoak izan daitezke.

https://www.youtube.com/watch?v=x6OjwSVx58g

TRANSEXUALITATEA:

Transexualak pertsonak dira, eta beren bizitza pertsonala, lana, lagunak, bikotekidea eta gurasoak dituzte.

-Sexu-biologikoa (genitalak, itxura fisikoa, ahotsa...) eta identitate sexuala (sexu soziala eta psikologia) ez datozkie bat. Beraiei ez dagokien gorputzarekin jaio dira.